24/2/2011, 4:58 pm
على طاري صباح الورد , وإسمك, والحـلا والـذوق
ذكرتك يـا أجمـل أحلامـي , بقافـي واستهليتـه
على درب القصيد أسوق , قلبي والخطـاوي شـوق
وإذا مالت بـي الخطـوة , علـى دربـك تناسيتـه
يهز الشـوق بأعماقـي , عناقيـد الغـرام عـذوق
ويقطف بالغلا فيني , غـرامـ(ن) خنـت وأخفيتـه
أحبك كثر ما يشعل , غرامك فـي حشـاي حـروق
وشبٌه زود لو يحرق , ضلوعي مـت مـا اطفيتـه
أحبك دمعتـ(ن) طاحت , على خد الصباح اشـروق
يموت النور لـو طاحـت , علـى كفـي وضميتـه
أحبك , إيه أحب إسمك .وأمـوت بجيـدك المنتـوق
و تخيلي كثـر مـا أكـره صـدودك , قمـت حبيتـه
تموت من البطا غيمه , طعنها مـن جفـاك بـروق
وغشى روض الحشا وسمي , جفافك وإنتي ما ارويتهيه
رحلتي , وما بقى منك سواك إنتي , و عنـا مفهـوق
عنـا ذاك الربيـع اللـي , غشانـي مـا تمنيـتـه
تعالي , إجرحي على كيفك , تربـعي واستحـلي عـروق
تدلـلي والبسـاط أحمـد , وأنـا لرضـاك مديـتـه
قمي إسهجي لآخر ضلوعـي, تغلغـلي داخلـي برفـوق
حلالك ما بقى منـي , مـع اللـي لأجلـك أفنيتـه
من اللي من غديت أجمل قصيدة ما غـدا لـها ذوق
ومن اللي كتـب باسمـك قصيـده وانكسـر بيتـه
وربي , من كتبت إسمـك وبروزتـه بقلبـي فـوق
وأنـا مـا دار فـي بالـي , قصيـد مـا تحاليتـه
دخيل دمعتين اللي, غـدت منهـا الخـدود شقـوق
ترفقي سامحك ربي , علـى قلـب(ن) لـك أهديتـه
إذا لكي حق في قلبي , فأنا لي فـي غـلاك حقـوق
و حقوق الشوق محفوظـة , وحـدي مـا تعديتـه
يذكرني صباح الورد , وإسمـك , والحـلا والـذوق
وأردد يا ( أجمـل أحلامـي ) بقافـي يـوم هليتـه
تحياتي
<<<انوووووووووس>>>
الموضوع : على طآري صبآح الورد المصدر : منتديات شمير الكاتب: انيس احمد العاقل
توقيع العضو :  انيس احمد العاقل |
- 
