22/12/2010, 3:17 am
يامرحبا باأهل القلوب السموحات
يانبض شعري يادفاي وحنيني
جيت انا بكتب هنا بعض الابيات
يمكن تعبر عن اللي بكنيني
ولا احسبوها نزف او بعض الآهات
همس ابي يبقى بقلوب المحبيني
ياناس انا بحكي بعض الآهات
حسيتها في يوم تحرق سنيني
حبيت لي شخص والقلب حزات
يفرض عليك الحب ماهو بيديني
كنت اعشقه عشق يفوق الخيالات
عشق ذبح قلبي وزاد بــ أنيني
وفجأه غلاه في داخلي مات
واصبح سراب رسمته بيديني
لكن حسافه لهفة القلب مراات
لاشخاص ما تبي غير تدنيني
والله جرحني بقولته أبيك بالشات
ولاعلى الايميل كانك تبيني
الحب صدق احساس يدوم بعلاقات
لازم اعرفك زين كانك تحبيني
وتغيرت في ناظري كل الاتجاهات
وضاقت بي الدنيا وطاح من عيني
ياهيه ابي تفهم انا ماني من السهلات
الموت اهون لي ولا عشق يوطيني
ان كان حبي لك ولهفتي اكبر الغلطات
دست انا حبي ووطيت قلبي برجليني
ياعلها تعمى عيوني لو دخلت الشات
وان كلمت شاب عسى تنقطع ايديني
انا شميـــرية مثل الجبال الراسيات
همي بعد رضا ربي رضا والديني
نفسي عزيزة ومالتفت للتفاهات
وطبعي خجولة والحلا مبتليني
ابيك تفهم انا ماني من بنات الشات
ماني رخيصة كل شخص يبيني
ابعذرك جاهل ماتدري ان العالم مقامات
لاتطمح بشوفي وتكسرك عيني
وهاذي نصيحة لكل البنيات
اللي خذلهم وقتهم والمعجبيني
افهمي يابنت الحب بوقتنا مات
لاتتبعي قلبك واعقلي وصدقيني
لاقال انا احبك من شان غايات
وانا لاجل خوفي ابي تسمعيني
ترى كلامي واقعي ماهو خيالات
وان كاني قسيت اسمحي واعذريني
هذا الكلام كتمته وبخاطري بات
ودي ابوحه قبل لا الصمت يكويني
ولا ابسكت وارحل اليوم بسكات
والحب بهذا الوقت ماعاااد يعنيني
الموضوع : أنــا مااني من بنــاات الشـــاااات...!! المصدر : منتديات شمير الكاتب: اطيب قلب
توقيع العضو :  اطيب قلب |
- 
