اه من الغربه وفراق الوطن والدار

الجسم ياناس ناحل وين الذين هم ينظرون

ثلاث سنين مظت صعبه وجاري الانتظار

وعقرب الساعه يدور والزمن كله ظنون

بلادي غاليه لا ليورو يثمنها ولا الدولار

ارض الجنتين بذاك الزمن ترابها بمال قارون

ورغم اوضاع المعيشه قلوب الناس احجار

وتلقى عند بعض الناس مساكن بوسط القلب وحصون

وراس المال عندي رضاكم يعتبر مليار

بالعشره والمحبه وصفاء النفس مليون

وصار حبنا مشهور واحتارو به التجار

وداعو الحب في الاسهم وكل واحد طلع مديون

اما اليوم باغادر وقد قالو الزمن غدار

كل من قلبه سود قله غسل قلبك بصابون

سافرت والسبب قلبي يوم شله وسار

بعد ما سافرت يالوعل والناس بك يدرون

ودعت اهلي واحبابي مغصوب عالمشوار

مشاوير السفر صعبه والاهل مايرضون

وصار الراس مشغول والفكر والبال محتار

ماقدر على فراقك ياحبيب القلب يالمظنون

ابات اليل اتقلب وكيه وسط الجوف نار

اصبر قلبي الشاكي وعيني والجفن والنون

اخاف العهد يتناسى اخاف لان الزمن دوار

مشاكل موحله بالحب وانتم بذا الهوى تدرون

اخاف من كلمه ماضيه تفك الوعد والاسرار

ونظره سري المكنون رمز ماتنظره العيون

وزاد الشك والوسواس وطيورالسماء احرار

ونا مولع ياناس في حبهم صرت مسجون

وزاد الشوق للديره واهلي والمحب والجار

وعاده عند بعض الناس لازم بالوعد يوفون

وراجع للوطن سيفي ومسقط راسي البتار

اذا عدنا من الغربه كل شي ينجلي ويهون

الموضوع : آآآآه من الغربه  المصدر : منتديات شمير  الكاتب:  خليل الشميري

أخ خليل الشميري



صـــح لـــسآآنكـ ,,,



كلمااات في قمة الروعة ,,



أحاسيس انساان مجبر على الفرااق ,,



أحـــسنت أنتـــقــآآء الأحرف والكلمات والأبيات ,,



عـــودة موفـــقــه ,,,



وإلـــــى الأمـــآآم دآآئمـــاً ,,,





أختك / المالك الحزين

الموضوع : آآآآه من الغربه  المصدر : منتديات شمير  الكاتب:  عيون الوطن