30/1/2011, 6:54 am
الزين شفته فيك يومه جذبني
واللي خلقني ما حصل زين يسواك
يا بنت غطي شعرك اللي سحرني
مقدر على هذا ومقدر على ذاك
الشعر الاسود في سواده جلبني
هذا الجمال وروعته في محياك
سبحان ربي كيف كلك عجبني
وسبحان ربي كيف بالزين سوّاك
وسبحان ربي كيف زينك غصبني
وسبحان ربي في عدد من تمناك
ابحث عيوبك ما لقيت وغلبني
حسنك وكل العيب يا بنت عدّاك
مثل القمر يومه بليلي سهرني
يومي أميز بطرف البسمه شفاك
يا وردهً تسأل من اللي قطفني
انا قطفتك يا اجمل الورد وابغاك
شفت الطيور اللي بوردك تغني
وتقول باعذب صوت ( يا ..... محلاك)
اغليك واللي خالق الكون اني
مقدر ولو هو يوم اصبر بلياك
ياللي ملكتي نبض قلبي تمني
قولي طلبتك بس واقول لك جاك
لو كان ودك اخذي كل شي مني
اخذي عيوني لو بغيتي وتفداك
اخذيني بيدك وابعدي الهم عني
خلي يمني تهتني وسط يمناك
الله وهب زينك وربي وهبني
حبك على زينك وباقي مزاياك
اعشقك يا قلبن هواني وعشقني
وابقى على طاريك واحيا بذكراك
اول عذابي بعدك اللي قهرني
واقوى عذاب إن طال بالصمت فرقاك
يا قلب اهني فيييك (.....) واهني
كل شي في ( .....) يحلي زواياك
إن شفتها ( شفت الهنا ) بالتأني
وان سولفت ما تعرف اقصاك وادناك
يا قلب علمّها من اسرار فني
وافتح لها باقي رسايلك تقرااك
..... يا كل الزين واللي خلقني
اهواك وابقى فيك وارضيك لرضاك
يعني بكل الحب والعشق يعني
انا اسيرك يا غلا لا عدمناك
و الزين شفته فيك يومه جذبني
واللي خلقني ما حصل زين يسواك
وسلامتكم
دمتم بكل خير .
الموضوع : سبحان ربي كيف كلكــــ عجبني ..!!! المصدر : منتديات شمير الكاتب: ابوريان
توقيع العضو :  ابوريان |
- 
