13/12/2010, 9:49 pm
كان طيـــبي عيب ومشكلتـــي اوفيت ...
أموت صادق وارفــض أعيش كذاب
يالليل مااذكر في حياتي تمنيت ...
مثل ابتسامه تنتشل قلب منصاب
مليت ورب البيت يالليل مليت ...
من الجروح اللي تجيني بلا اسباب
تدري يالليل اني على الجرح غنيت ...
غنيت دمعه والصدى ضم الاهداب
تبي الحقيقة والصراحة ترجيت ...
فرحة ولكن الزمن بالعطا خاب
يالليل قلي بدنيتي ويش سويت ...
حتى الهموم بداخلي تفتح ابواب
أن كان طيبي عيب ومشكلتي اوفيت ...
أموت صادق وارفض اعيش كذاب
طبعي كذا من ميزتي ماتخليت ...
عندي مبادئ دونها ترخص ارقاب
بيني وبينك ياكثر ماتعنيت ...
اركض بغرفة مغلقة مالها باب
غرفة وراها فرحتي دونها جيت ...
اركانها عتمة ولاحولي احباب
كاس الفراق المر منه تقهويت ...
انا اشهد أن الشوق بالليل غلاب
يالليل انا لاشفت ماعفت قفيت ...
اقفي ولو خلفي كثيرين الاصحاب
الا جروحي كل مارحت واقفيت ...
جتني تحمل صدتي لوم وعتاب
ماذكر ولو مرة بحياتي تهنيت ...
اضحك كذا والصدق عن شفتي غاب
صارت دموعي ضيف وعيوني البيت ...
ودايم تشوف من المناديل ترحاب
لاشفت شمس الصبح لايديك حنيت ...
وفي داخلك حبر القلم بالشقى ذاب
اسريك بحالتي واذا رحت ونيت ...
مابي تروح ودمعتي بين الاهداب
يالليل قل للصبح اني تمنيت ...
بس ابتسامه تنتشل قلب منصاب
احتــــــرااامي وتقـــــــــديري للجميـــع..
الموضوع : ماذكر ولو مرة بحياتي تهنيت ... اضحك كذا والصدق عن شفتي غاب المصدر : منتديات شمير الكاتب: اطيب قلب
توقيع العضو :  اطيب قلب |
- 
